Yakapin

Ano na nga ba ang plano ko?

Madalas akong nagpaplano maski sa bawat minutong kinikilos, ikikilos ko.
Nakapapagod magtala at mangarap sa huli naman ay walang napapala.

Lalo lamang naninikip ang dibdib sa pagdaan ng nakasulat na gawain pero wala namang narating.

Masarap magsulat at magplano pero kung walang tiyaga, dasal, at tiwala’y walang magbabago.

Ano na nga ba ang plano ko?

Isinusulat ko pa rin pero hindi na kada-minuto.

Pero tanging sa Panginoon ko na lang ito idinudulong. Sinasabayan ang bawat tala ng dasal upang ibahagi sa iba. Gabay at biyayang umaalalay sa aking mga yapak.

Ito ngayon ang plano ko.