Hapunan

Pumipintig ang sintido ng babaeng nakaupo sa may pasilyo
Bitbit ang kakapiranggot na kita mula sa buong maghapon
Tinatapik-tapik lamang ang ulo,
Nagbabakasakaling mawala ang kirot
Inuulit ang dasal na kinabisado simula pa noon

Aba, Ginoong Maria napupuno ka ng grasya

Sa iilang barya pa, mapupuno na ang kanyang bulsa
Makauuwi na’t makapaghahain ng hapunan
Malugod na pagsasaluhan ng dalawang pamilya
Sa babaeng nakaupo at sa panganay niyang binatilyo

Sa tulong ng patuloy na pamamalimos
Ng inang iniwan ang lahat sa kahapon
Matapang na hinaharap ang takbo ng panahon
Mag-aantanda ng krus, sisimulan ang pagpapasalamat

Ang Panginoon ay sumasaiyo

Isang buong araw na naman ang natapos
Nairaos kahit papaano ang anim na musmos at ang magsing-irog

Bukod kang pinagpala sa babaeng lahat

Pumipintig ang sintido ng babaeng nakaupo sa may pasilyo
Bitbit ang kakapiranggot na kita mula sa buong maghapon

At pinagpala naman
Ang ‘yong anak na si Hesus


Santa Maria, Ina ng Diyos
Ipanalangin mo kaming makasalanan
Ngayon at kung kami’y mamamatay
Amen

Pamamaalam

Pasalansang ayos ng nararamdaman sa pamamaalam
Bitbit ang ngiti sa mukha na may nangingilid na luha
Ikinukubli, tanging tabing sa nag-aapoy na kalangitan
Ito na nga lang kaya ang ating huling makukuha?

Ang yapak ng mga paa, kaliwa, kanan, isa, dalawa
Bilang ng takbo ng dumadagundong tibok ng puso
Pilit sinasabayan ang yapak ngunit laging nauuna
Ikaw, ako, tayong lahat ay nalilito papunta sa dulo

Ano ba ang ating makikita, lungkot o saya?
Mga minahal ba ay malugod na sasalubong sa may bukana
O tanging magpapaalala ng mga paghihirap at dusa?
Dito siguro talaga ipagpapatuloy ang paghuhulaan
Ang kuwentong kinalimutan sa ating kabataan
Maging sa pangarap na tinalikuran nang walang alinlangan

 

Isang Hibla

P_20160604_163437.jpg

Saranggola, nag-aabang sa hangin
Ihip, hinga nang malalim
Pinipilit isabit sa lubid
Buhay na unti-unting napapatid
Ibubuhol na lamang sa iba
Para maipagpatuloy ang diwa
Ihip, hinga, halinghing ng pangungulila
Alaala ng kalayaan, ng kabataan
Ngunit ngayon ay isang hibla na lamang

Pinipilit isinasabit sa lubid
Buhay na unti-unting napapatid

Alalahanin sa Ngayon

Paano nga ba lubusang kumawala
Sa gapos, sa hapis ng kahapon?
Isang tula, siguro isang pelikula
Iyon lamang ang mga inakalang tama

Sa loob lamang ba ng tatlo hanggang limang minuto
O sa isa hanggang dalawang oras makalalaya
Maipahihiwagtig ang nadarama,
Hakbanging dapat tuluyang ipanukala

Ganoon lang ba kadali?

Lumaki sa piling ng kaginhawaan
Bagong sibol ng sigla ng kabataan
Inanod ang mga ideyolohiya,
Inakalang mga kuwentong barberong dala ng nakatatanda

Kapag naiba ang naging pagbasa,
Lumalaki ang hinala ng mga nakakikilala
Rebelde, aktibista, pakawala
Walang paki sa paglago ng bansa

Sino ba talaga ang nagsasabi
Ng tunay na hakbang
Makatutulong sa bayang sinisinta

Bayan, kabayanihan
Wala na bang talaga?

Kapag ang isa ay piniling lumihis sa malawakang paniniwala
Isinasantabi na rin ba siya ng lipunang kinabibilangan?

Pagtutol na ito ay kinatatakutan
Ng mga namumunong pilit na nagpapasubo
Ng huwad na paniniwala’t tiwala
Paglaban daw na ito ay walang halaga

Bakit sila ngayon nababahala?

Indio. Bobo. Filipino.

Nababago ang ngalang pakilala
Ngunit alin ang mas pipiliin
Ang matawag ng ganito
O ang matakot at malunod
Mamatay na nakagapos?

Code-switching Culture and Beyond

Speaking English well isn’t the only basis for a person’s intelligence. 

Speaking English with a resounding American accent isn’t the only basis for a person’s intelligence.

Speaking grammatically correct English is still not the only basis for a person’s intelligence.

How do we use language in our lives?

When people speak with the vernacular, does it mean that they are already displaying a lower level of intelligence?

Why do Filipinos laugh when they hear another person speaking English with a strong native accent even though it’s grammatically correct?

Even the international education sector recognizes the growing use of International Englishes. It’s not only a singular system that follows syntax, grammar, and other communication standards that are considered as the “American” English. There are a lot of interesting stories, ideas, and even research on how people learn or acquire a certain language (these two still have their own theories).


A random post. I thought of writing this a couple of days ago but I couldn’t finish. Now, I think it is more appropriate because August is almost over and the celebration of Buwan ng Wika. Continue reading

Ako

Iyakin ako, hindi mo lang alam 
Sa bawat ngiti ay may kuwentong dala
Pag-unawa lang ang tanging hiling
Inihahanda ang puso sa anumang maaaring mangyari
Sa umagang darating at sa kahapong iiwan

20151122

It’s difficult to let go and move on…

…from my decade-old reading assignments and book collection.

Whenever I try to remember the stories and books that truly got me into my current fascination with the written works, I can’t help but smile and think of the numerous reading assignments I had to complete throughout my high school and university years. There were times I couldn’t even remember the exact date or homework for a particular text, but the story and the characters were all still so familiar to me.

Science and Learning

I didn’t grow up in a family of readers. Television shows, movies, radio series, and only a couple of Komiks kept me pre-occupied during my tender years. I tried to excel academically during my elementary days, and I was only exposed to different textbooks, encyclopedia resources, and the dictionary (synonyms, antonyms, thesaurus, and others).

Continue reading

Pasa sa Katawan, Puso

Masakit mahulog
Lalo na kung biglaan
Kahit pa nga dahan-dahan
Babagsak pa rin sa dulo

Magugulat sa una
Hindi papansinin
Mararamdaman ang kirot
Pero

Babaliwalain

Itutulog na lamang
Ngunit paggising sa umaga
Makikita na ang nangingitim na marka

Sana sa ganitong paraan lang
Nahuhulog ang tao
Pero hindi

Minsan dahan-dahan
Di pinapansin
Nahuhulog na pala
Pilit babaliwalain

Mas mahirap pa nga
Kung di nalalaman nung isa
Nakasasakit na pala
Wala man lang nagsasabi sa kanya

May kirot sa nahulog

Babaliwalain

Kalilimutan na lang siguro

May patutunguhan pa ba ito?

Maliban sa pasalampak na hulog
Magkakalamat pa ang puso

Para saan?

Sa wala.

Di naman niya alam.

——
Dala ng pagmumuni-muni at usapan noong nakaraang Linggo. Itigil na nga ito.

Kilalanin mo Ako

Marahang pagpihit ng gripo, biglang kalabog ng pinto.

Dumiretso ako sa banyo para maghilamos.

Alam ko na ang sasabihin, lunod na naman sa kalalagok,

Magdamagang uminom ng Matador sa may kanto.

Ligaya ko ay hanggang langit ang abot.

Tuwing Sabado ng umaga ganito na lamang ang simula

Ng araw na akala mo’y kayganda’t kaysaya.

Sunod na kilos ko’y basahan ang kasama.

Sa pagyuko’y may kasunod na namang suka.

Ngayon pumunta ako sa kama, kaibigan kong nakatanga,

Kamay ko sa balikat niya, ang isa’y sa may arinola.

Ngayong araw ay tila kakaiba

Sapagkat di ko kayang magwala

Mistulang walang problemang inaalala

Biglang higa ko’t talukbong ng mukha.

Hindi. Mali pala ako.

Ngayon ay kakaiba, ‘pagkat mas mabigat aking dala.

Pilit na itinatago ang hikbi naman ay di mapigilan.